𝑴𝒊𝒂𝒓𝒂-𝒎𝒊𝒆𝒏𝒕𝒂𝒏𝒂 𝒂𝒎𝒊𝒏’𝒏𝒚 𝒌𝒐𝒎𝒊𝒕𝒚 𝒍𝒐𝒉𝒂𝒓𝒂𝒏𝒐 𝒊𝒛𝒂𝒉𝒂𝒚 𝒂𝒎𝒊𝒏’𝒏𝒚 𝒇𝒂𝒏𝒂𝒎𝒃𝒐𝒂𝒓𝒂𝒏-𝒅𝒂𝒍𝒂𝒏𝒂 𝒆𝒕𝒚 𝒂𝒎𝒊𝒏’𝒏𝒚 𝒇𝒐𝒌𝒐𝒏𝒕𝒂𝒏𝒚 𝒔𝒂𝒕𝒓𝒊𝒂 𝒎𝒂𝒏𝒂𝒍𝒂 𝒇𝒂𝒉𝒂𝒔𝒂𝒉𝒊𝒓𝒂𝒏𝒂𝒏𝒂 𝒂𝒏𝒂𝒚 𝒏𝒚 𝒇𝒂𝒉𝒂𝒗𝒊𝒕à𝒏’𝒏𝒚 𝒍𝒂𝒍𝒂𝒏𝒂 » : hoy ny mponina iray avy ao amin’ny Fokontany iray izay anisan’ny nanatanterahan’ny Komity Loharano asa ny faran’ny herinandro teo. Fokontany Telo ( Amborompotsy, Ambohitria sy Tananasondrotra) ao anatin’ny Kaominina Tanambe, Distrikan’i AMPARAFARAVOLA no niara-nientana tamin’io fanamboaran-dalana io, izay lalana mampifandray an’ireo Fokontany ireo.

Sehatr’asa iray amin’ireo sehatra maromaro ahitàna ny dian-tanan’ny Komity Loharano moa ny foto-drafitrasa.

Ankoatra izany dia maro ireo Komity Loharano izay nametraka ao anatin’ny drafitr’asa ho tanterahiny ny fanadiovana faobe isam-bolana, ka toerana toy ny tsena, toeram-piantsonan’ny fiara fitaterana, toeram-pitsaboana, sns, no tapaky ny maro amin’izany.

Eo amin’ny lafiny sosialy dia maro ihany koa ireo Komity Loharano nanentana momba ny fanisam-bahoaka, ny fakàna taratasy fifindra-monina mazava eny amin’ny Fokontany ho an’ireo mifindra monina, sns.

*Tsara marihina fa tsy nijanona teo amin’ny faha-100 andro akory ny fampandehanana ny Komity Loharano manerana ny Nosy satria rafitra maharitra napetraka isaky ny Fokontany ny Komity Loharano, ary miasa mandritra ny efatra taona ireo mpikambana ao aminy.

Taorian’ny fandrafetana ny drafitr’asa hiasana sy ny asa maro efa notanterahina dia nisy ny fidinana ifotony nataon’ireo Solotenam-panjakana sy Lehiben’ny Boriborintany sasany ny herinandro lasa teo. Nandritra izany dia nisy ny :

– fanamafisana ny fampiofanana efa nomena ireo Komity Loharano ireo;

– fanaovana tantsoroka amin’ny fanatsaràna ny drafitr’asa efa nofaritana;

– fanentanana maro samihafa.

Izany rehetra izany no natao mba hanamafisana sy hanatsarana hatrany ny fomba fiasan’ny Komity.

#Fanjakana_manakaiky_vahoaka«