Noho ny haintrano nitranga tao amin’ny Kaominina ambanivohitra Ivandrinka, Distrikan’i Farafangana, izay nahamaizana trano miisa 605 dia nidina tany an-toerana ireo mpikambana sasany ao amin’ny Governemanta, iraka avy amin’ny Filoham-pirenena, Andriamatoa Andry RAJOELINA, sy ny Praiminisitra, Lehiben’ny Governemanta, Andriamatoa NTSAY Christian, ny alarobia faha 13 novambra 2024.

Tonga nampahery ireo mpiray tanindrazana traboina miisa 3025 sy nitondra fanampiana ho azy ireo avy amin’ny fitondram-panjakana ity delegasiona ity izay nahitàna ny 𝑴𝒊𝒏𝒊𝒔𝒊𝒕𝒓𝒚 𝒏𝒚 𝑨𝒕𝒊𝒕𝒂𝒏𝒚, 𝑹𝒂𝒎𝒂𝒕𝒐𝒂 𝑹𝑨𝑯𝑨𝑱𝑨𝑽𝑶𝑳𝑶𝑳𝑶𝑵𝑰𝑨𝑰𝑵𝑨 𝑵𝒊𝒓𝒊𝒕𝒔𝒐𝒂.

Nitohy hatramin’ny omaly ny fizarana ny fanampiana toy ny vary, menaka,voamaina, trano lay sy kojakoja an-dakozia.

Vonjy rano vaky ihany izao notanterahina izao fa efa andalana koa ireo fitaovana hanampiana amin’ny fananganan-trano toy ny fanitso, sy ny lamba firakotra sy fitafy.

Nanotrona ny delegasiona moa ireo solombavambahoaka, ireo solotenampanjakana sy ireo manampahefana isan’ambaratongany ao amin’ny faritra Atsimo Atsinanana.