Notanterahina androany alakamisy faha 06 febroary 2025 tany amin’ny Fokontany Ambolamena, Kaominina Bongatsara, Distrikan’i Antananarivo Atsimondrano, ny fambolen-kazo nataon’ny fianakaviamben’ny Ministeran’ny Atitany.

« Tsirim-panantenana ho an’ny taranaka ny fambolen-kazo » hoy ny Minisitry ny Atitany, Ramatoa Rahajavololoniaina Niritsoa, tamin’ny teny fohy fanokafana izany.

Laharam-pahamehana, indrindra amin’ny ady amin’ny fiovaovan’ny toetr’andro izay miteraka voka-dratsy, hoy izy:

ny fikajiana sy fikojakojana ny ala efa misy,

ny fambolena zana-kazo vaovao,

ny fampifandanjana ny ala efa misy sy ny filan’ny olombelona, ary

ny fahatsiarovan-tenan’ny vahoaka hahay hikolokolo ny hazo.

Zana-kazo miisa 4 000 no novolena androany izay hokajiana sy hokolokoloina miaraka amin’ireo tompon’andraikitra eny ifotony.