𝙰𝚕𝚊𝚝𝚜𝚒𝚗𝚊𝚒𝚗𝚢 09 𝙵𝚎𝚋𝚛𝚘𝚊𝚛𝚢 2026 , 𝙱𝙽𝙶𝚁𝙲 𝙰𝚟𝚊𝚝𝚛’𝙰𝚗𝚝𝚊𝚗𝚒𝚖𝚘𝚛𝚊

Mitohy hatrany ny fiomanana manoloana ny mety ho fandalovan’ilay rivodoza GEZANI eto Madagasikara , isan’izany ny fivoriana niarahana tamin’ireo Préfets maromaro any amin’ireo Faritra tombanana ho voakasiky ny fandalovan’i GEZANI, izay teo ambany fitarihan’ny BNGRC , mba ho fanamafisana ny fandraisana andraikitra rehetra hiatrehana izao loza mety hitranga izao no antony izany

Nampahafantarina ireo tompon’andraikitra eny ifotony ary ny toe-draharaha ankehitriny mahakasika ny rivodoza GEZANI ary nohamafisina manokana ny fandraisana andraikitra avy eny ifotony, ary ny maha-zava-dehibe ny fandraisana ireo fepetra mialoha sy ny fahavononana hiatrika izany any amin’ireo faritra mety ho voakasika .

𝗡𝗼𝗵𝗼 𝗶𝘇𝗮𝗻𝘆 :

Efa misokatra ary ireo « Centre Opérationnel » any amin’ireo Faritra sasatsasany ahafahana manao ny fandrindrana ireo hetsika rehetra mialoha sy mandritra ary aorian’ny Loza .

Nisy ihany koa ny fandraisana fepetra, ny fanentanana ny vahoaka ireo fepetra tsara ho fantatra sy ny fanomanana azy ireo ny mety hisian’ny famindrana olona mialoha raha ilaina izany.

Araka ny vinavinan’ny Foibe Famantarana ny toetry ny andro , hisy rivotra mahery vaika sy oram-be, ka mety hiteraka tondran-drano ary fihotsahan’ny tany.

𝗜𝗿𝗲𝗼 𝗙𝗮𝗿𝗶𝘁𝗿𝗮 𝘁𝗼𝗺𝗯𝗮𝗻𝗮𝗻𝗮 𝗵𝗼 𝘃𝗼𝗮𝗸𝗮𝘀𝗶𝗸𝗮

Araka ny vinavina , ireto faritra manaraka ireto no ahiana ho voakasika izany , izay hanaovana fanentanana amin’ny fiomanana sy fandraisana fepetra mialoha:

• Atsinanana

• Analamanga

• Alaotra Mangoro

• Vakinankaratra

• Analanjirofo

• Amoron’i Mania

• Itasy

• Betsiboka

• Bongolava

• Menabe

• Vatovavy Fitovinany

• Sofia

• Boeny

• Melaky

• Haute Matsiatra

Araka ny tatitra voaray avy amin’ireo Préfet nandritran’ny fivoriana , dia efa vonona tanteraka izy ireo hiatrika ny mety ho fandalovan’ny rivodoza GEZANI ary nanamafy izy ireo fa hanohy ny fanaraha-maso akaiky ny fivoaran’ny toe-draharaha sy hiara-hiasa akaiky amin’ ireo tompon’andraikitra rehetra voakasika, ho fiarovana ny ain’ny olona sy hikarakarana haingana ireo mety ho traboina.

𝗙𝗔𝗡𝗘𝗡𝗧𝗔𝗡𝗔𝗡𝗔 𝗛𝗢 𝗔𝗡’𝗡𝗬 𝗩𝗔𝗛𝗢𝗔𝗞𝗔

Manentana ny rehetra ny BNGRC mba:

hanaraka tsy tapaka ny vaovao ofisialy avoakany,

hanaja sy hanaraka ny toromarika omen’ny manam-pahefana eny an-toerana,

hiomana mialoha hiarovana ny aina sy ny fananana.

Raha misy ny filàna vonjy maika, antsoy ny laharana maitso 930, maimaim-poana, misokatra 24 ora amin’ny 24 ora ary isan’andro.