69 𝑪𝑶𝑴𝑴𝑼𝑵𝑬𝑺 – 𝑹𝑬𝑮𝑰𝑶𝑵 𝑨𝑵𝑶𝑺𝒀

Notontosaina eto amin’ny renivohitry ny Faritra Anôsy mandritra ny roa andro, 28-29 Jolay 2023 ny fanofanana mahakasika ny tombana anatiny tondron’ny fitantanana ifotony na AUTO ÉVALUATION DE L’INDICE DE GOUVERNANCE LOCALE niarahana tamin’ireo Kaominy 69, Ben’ny Tanàna sy ny ADL ary ireo PR (PARTENAIRES RELAIS), ny mpikambana CROC ato amin’ny Faritra Anôsy.

DISTRIKA TOLAGNARO: Kaominy 29

DISTRIKA AMBOASARY : Kaominy 18

DISTRIKA BETROKA: Kaominy 22

Natao indrindra izao fiofanana izao ho entina hanomezana fahaiza-manao ny Kaominy mahakasika ny Fitondrana tsara tanana ety ifotony ka ahatratrarana ny Velirano faha-12 ny Filoha Andry Nirina RAJOELINA (Fizakan-tena sy Fampandraisan’andraikitra ny Vondrom-paritra itsinjaram-pahefana).

Notanterahin’ny Ministeran’ny Atitany sy Fitsinjaram-pahefana (MID) tamin’ny alalan’ny ODDL (Observatoire de la Décentralisation et du Développement Local) izay notohanan’ny Tetik’asa Mionjo vola izao fiofanana.

Hita tao anatin’izany ny fahavononan’ireo Ben’ny Tanàna:

– Hampandray anjara ny vahoaka,

– Hampihatra ny mangarahara sy ny tamberin’andraikitra,

– Hametraka ny fanjakana tandalana ety ifotony,

– Hikaroka ny fahombiazana sy hijery ireo sehatry ny Fampandrosoana eny anivon’ny Kaominy misy azy ireo.